- Lagalisti:
- 1. My Arms
- 2. This Heart
- 3. Wars
- 4. How Do We Know
- 5. First To Go
- 6. Buried In Sand
- 7. Overload
- 8. Pro Choice
- 9. Moonstone
- 10. Battered
- 11. Dry Land
- Útgáfuform
- CD
- LP
- Stafrænt
Bloodgroup vöktu fyrst athygli á sér fyrir oddhvassar lagasmíðar, frískandi og kröftuga tónleikaframkomu á árið 2006. Þessi fjölskyldusveit sem á ættir sínar að rekja til Egilsstaða, Færeyja og Reykjavíkur stimplaði sig rækilega á landakort íslenskrar tónlistar með frumburði sínum Sticky Situation sem leit dagsins ljós ári síðar. Platan seldist í þúsundum eintaka og var greinilegt að Bloodgroup var strax hljómsveit sem heillaði hlustendur með sínu ágenga en jafnframt melódíska hljóðgervlapoppi sem á köflum minnir á gæðasveitir á borð við Goldfrapp, The Knife og Hot Chip.
Á annarri breiðskífu sveitarinnar sem kom út í lok árs 2009 kvað við breyttan tón sem er alvarlegri, á köflum drungalegur en fyrst og fremst stórt stökk fram á við í tónlistarsköpun sveitarinnar. Dry Land er á alla kanta framsæknari og heilsteyptari en fyrirrennarinn.
Bloodgroup fylgdu skífunni eftir með stífu tónleikahaldi á Íslandi sem og á alþjóðlegum vettfangi og má þar nefna tónlistarhátíðir á borð við CMJ, Popkomm, Eurosonic, Hróaskeldu o.s.frv.
Tilvísanir: „Þegar þú heyrir hversu mikið Bloodgroup hefur farið frá á aðeins tveimur árum geturðu ekki annað en verið agndofa.” – Brynjar Vatnsdal, Iceland Review
No comments