Heimildarstuttmynd um Agent Fresco
1. ágúst 2010

Hér er skemmtileg heimildarstuttmynd um Agent Fresco eftir Bowen Staines.

DontPanicTV Episode 2: Agent Fresco from Bowen Staines on Vimeo.

Útsala í netversluninni
26. júlí 2010

Kíkið í netverslunina okkar! Allt á útsölu!

Agent Fresco skrifar undir útgáfusamning við Record Records
22. júlí 2010

Hljómsveitin Agent Fresco hefur hafið upptökur á sinni fyrstu breiðskífu, sem hefur hlotið nafnið "A Long Time Listening". Platan hefur verið í vinnslu síðan að hljómsveitin var stofnuð árið 2008. Öll tónlist er samin af Þórarni Guðnasyni en textar af Arnóri Dan Arnarsyni.
Upptökur eru hafnar í Orgelsmiðjunni en upptökustjórn er í höndum Magnúsar Øder og Agent Fresco.

Agent Fresco strákarnir hafa samið við Record Records um útgáfu á nýju plötunni og er áætlað að hún komi út í byrjun október á þessu ári.

Nýtt tónlistarmyndband frá Bloodgroup
20. júlí 2010

Hljómsveitin Bloodgroup hefur sent frá sér nýtt tónlistarmyndband við lagið Overload, nýjasta smáskífulag plötunnar Dry Land.
Myndefnið var tekið upp á útgáfutónleikum Bloodgroup í Iðnó, 4. mars síðastliðinn. Bæði mynd og hljóð var tekið upp á tónleikunum en til stóð að gefa út DVD mynddisk og búa til allsherjar kynningarefni fyrir sveitina. En þar sem gamalt hús og kraftmikil hljómsveit fara ekki alltaf saman sló rafmagnið út í Iðnó á miðjum tónleikunum og við það skemmdust hljóðupptökurnar sem höfðu verið teknar upp fyrir rafmagnsmissinn. Því var ákveðið að nota myndefni frá tónleikunum í að klippa tónlistarmyndband við lagið Overload.

Dry Land er önnur breiðskífa Bloodgroup en hún var gefin út af Record Records á Íslandi. Hún birtist á fjölda árslistum, var tilnefnd til íslensku tónlistarverðlaunanna og fleira gott.
Hljómsveitin er á leið í tónleikaferðir um Bandaríkin, Kanada og Evrópu síðar á þessu ári og byrjun næsta árs, verið er að íhuga útgáfu Dry Land á vínyl fyrir ferðirnar.

Myndbandið má sjá hér:

Bloodgroup breiðir yfir Men Without Hats
22. júní 2010

Record Records hélt tónleika á Venue miðvikudaginn 16. júní. Þar komu fram Bloodgroup, Sykur, Lada Sport og For a Minor Reflection. Húsið var fullt og alveg klikkuð stemming. Þakið ætlaði að rifna af húsinu þegar Bloodgroup tóku hið frábæra lag Safety Dance eftir Men Without Hats.

Sjá vídeó af því hér:

Spikfeitir tónleikar 16. júní
9. júní 2010

Barna- og fjölskyldudiskurinn Meira Pollapönk er kominn út!
31. maí 2010

Í dag er útgáfudagur barna- og fjölskyldudisksins Meira Pollapönk. Hér er á ferðinni hörkuskemmtilegur diskur sem öll fjölskyldan hefur gaman af. Plata hlaut fjórar stjörnur í Fréttablaðinu en dómnum segir: "Pollapönk smellur eins og flís við rass inn í þann hóp platna sem allir aldurshópar ættu að geta haft af gagn og gaman".

Lada Sport sendir frá sér 7 tommu
15. maí 2010

Það er loksins komið að því að Lada Sport sendi frá sér vínyl plötu.
Um er að ræða smáskífuna "Love Is Something I Believe In" og verður hún gefin út í aðeins 300 eintökum. B-hlið plötunnar er lagið "What If Heaven Is Not For Me".
Áætlað var að platan kæmi út í maí en það tafðist og kemur platan því út í júní. Fylgist með því á næstu dögum verður hægt að heyra tóndæmi.

Hlustaðu á lag af væntanlegri plötu Pollapönks
29. apríl 2010

Strákarnir í Pollapönk eru þessa dagana að leggja lokahönd á væntanlega breiðskífu sína, Meira Pollapönk, og senda þeir hér frá sér fyrsta lagið af plötunni, 113 vælubíllinn. Njótið.

Pollapönk - 113 Vælubíllinn

Nýtt vídeó frá Láru
28. apríl 2010

Lára hefur sent frá sér fyrsta vídeóið af plötunni sinni "Surprise". Lagið er við fjórðu smáskífu plötunnar sem heitir "I wanna be". Leikstjóri vídeósins var Henry Bateman.

Lára hitar upp fyrir Amy MacDonald
24. apríl 2010

Söngkonan og lagahöfundurinn Lára Rúnarsdóttir mun spilar á sérstökum Q Magazine tónleikum í Bretlandi í júní þar sem hún mun hita upp fyrir söngkonuna Amy MacDonald. Tónleikaferð verður plönuð í kringum ferðina og mikið húllumhæ.

Lára mun spila á Rósenberg á þriðjudaginn þar sem hún mun einnig frumsýna nýtt vídeó fyrir nýjasta lagið sitt, I wanna be.

Líkaðu við Láru á Facebook!

Pollapönk skrifar undir hjá Record Records
17. apríl 2010

Það var í febrúar á þessu ári sem Pollapönk hófu upptökur á sinni annarri breiðskífu, “Meira Pollapönk”. 15 lög voru tekin upp á plötuna og má þar nefna “113 vælubíllinn”, “Þór og Jón eru hjón”, “Pönkafinn” o.fl. Í lögunum er tekið á málum sem bæði börn og fullorðnir velta fyrir sér.

Pollapönk er hugarfóstur leikskólakennaranna Heiðars og Halla, oft kennda við hljómsveitina Botnleðju.
Geisladiskurinn Pollapönk (2006) var útskriftarverkefni þeirra við Kennaraháskóla Íslands en skemmst er frá því að segja að sá diskur féll í góðan jarðveg bæði hjá börnum og fullorðnum. Árið 2007 barst þeim félögum liðsstyrkur en Arnar Gíslason og Guðni Finnsson úr hljómsveitunum Ensími og Dr.Spock gengu til liðs við þá.
Markmiðið með Pollapönk er að búa til tónlist og texta sem bæði börn og fullorðnir geta haft gaman af. Einnig að skapa hljómsveit fyrir börn sem fylgt er eftir af sama metnaði og ef um hljómsveit fyrir fullorðna væri að ræða.

Meira Pollapönk kemur út í lok maí.

Tvær góðar koma út í mars
26. febrúar 2010

Nú fer útgáfa ársins að komast á flug og eru tvær plötur að koma út í mars sem við mælum með!
8. mars er það grjóthörð hipphopp plata frá Didda Fel sem kallast Hesthúsið. Diddi gefur plötuna út sjálfur en Record Records sér um að framleiða plötuna og dreifa henni.
Um miðjan mánuðinn kemur svo út frumburður meistara Biggabix. Hann hefur verið að gera það gott á íslenskum útvarpsstöðvum með lögunum Situation og Oh my, Oh my. Biggibix gefur plötuna út sjálfur en Record Records sér um framleiðslu og dreifingu plötunnar.

Sykur og Bloodgroup tilnefnd til Íslensku tónlistarverðlaunanna
19. febrúar 2010

Nú liggja tilnefningar til Íslensku Tónlistarverðlaunanna fyrir og það er okkur sönn ánægja að tilkynna það að tvær hljómsveitir á mála hjá Record Records eru tilnefndar. SYKUR eru tilnefndir sem bjartasta vonin og eru Bloodgroup tilnefnd í flokkunum besta lagið og poppplata ársins.

Íslensku Tónlistarverðlaunin munu fara fram í Íslensku Óperunni 13. mars n.k.

Forsala miða á útgáfutónleika Bloodgroup er hafin
16. febrúar 2010

Forsala miða á útgáfutónleika Bloodgroup er hafin á Miði.is. Tónleikarnir verða haldnir í Iðnó fimmtudagskvöldið 4. mars og hefst viðburðurinn kl. 21:00.
Bloodgroup mun fá til liðs við sig strengjasveit og ýmsa gesti, verður þetta því eitthvað sem enginn má láta framhjá sér fara.

Miðaverð eru litlar 1500 kr. og hægt er að kaupa miða í forsölu á Miði.is.

My Arms remix eftir Hannes Smith: Loosing Arms
3. febrúar 2010
Raftónlistarmaðurinn Hannes Smith hefur sent frá sér remix útgáfu af laginu My Arms eftir Bloodgroup. Hér er á ferðinni einstaklega skemmtileg útgáfa af laginu sem við mælum með að þið kíkið á.

Dry Land er plata ársins!
8. janúar 2010

Í vikunni birti Rjóminn.is lista yfir bestu íslensku og erlendu plötur ársins 2009 að mati lesenda Rjómans. Það er afar gaman að segja frá því að lesendur Rjómans völdu Dry Land með Bloodgroup bestu íslensku plötu ársins 2009. Einnig kunna lesendur Rjómans að meta plötuna Frábært eða frábært með SYKUR en hún var í 3-4. sæti á listanum. Fréttablaðið smellti Dry Land í 4. sæti á sínum árslista og Jón Agnar hjá Morgunblaðið smellti henni í 1. sæti.

Glæsilegur árangur hjá Bloodgroup!

Útgáfutónleikar Sykur annan í jólum
21. desember 2009

Eins og margir hafa eflaust tekið eftir þá sendi rafstuðhljómsveitin SYKUR frá sér sína fyrstu plötu, „Frábært eða frábært“ þann 14. október síðastliðinn. Platan er búin að fá frábæra dóma, 4 stjörnur hjá bæði Morgunblaðinu og Fréttablaðinu þar sem hún er sögð með betri plötum ársins.
Nú ætlar sveitin að slá til heljarinnar útgáfutónleika á Batteríinu annan í jólum (26. des '09). Húsið opnar á miðnætti og kostar litlar 500 kr. inn, hægt verður að kaupa diskinn á frábæru eða frábæru verði. Berndsen sér um upphitun.

Jólaplögg Record Records
3. desember 2009

Þann 16. desember ætlum við að fagna uppskeru ársins með veglegum tónleikum á Sódóma Reykjavík. Miðaverði er haldið í algjöru lágmarki og verða diskar á sérstöku tilboðsverði. Húsið opnar kl. 21 og fer fyrsta sveit á svið skömmu eftir það og mælum við því með að mæta tímanlega.

Dry Land er komin í allar helstu plötuverslanir landsins!
2. desember 2009

Í dag kom út önnur breiðskífa hljómsveitarinnar Bloodgroup. Platan Dry Land, henni hefur nú verið dreift í plötuverslanir um land allt og getið þið því trítlað út í búð og keypt eintak.

Nýjasta plata Bloodgroup er fáanleg á gogoyoko.com
26. nóvember 2009
Já það er komið að þessu! Nýjasta plata Bloodgroup er komin út á gogoyoko.com ! Hún kemur svo í verslanir 2. desember. Hægt er að skrá sig frítt á Gogoyoko og hlusta á plötuna í heild sinni og kaupa hana á mega prís! Endilega kíkið á það, hér er svo hægt að hlusta á brot af plötunni:

Mammút á tónleikaferðalagi og Karkari kemur út í Þýskalandi
15. nóvember 2009
Platan Karkari með Mammút, sem kom út í ágúst 2008 á Íslandi, kom út í Þýskalandi föstudaginn 13. nóvember 2009. Platan er gefin út þar í landi af Record Records í samstarfi við Rocket Girl, en dreifingin er í höndum Rough Trade í Þýskalandi.
Mammút er nú á tónleikaferðalagi um Evrópu en hér fyrir neðan má sjá dagskrána

nánari upplýsingar á myspace.com/mammut

Berlin (DE)
Nov 2 2009: Bang Bang Club

Trier (DE)
Nov 3 2009: Exhaus

Illkirch Graffenstaden (FR)
Nov 4 2009: Stunt Area

Madrid (ES)
Nov 7 2009: Fotomatón Bar

Sant Feliu de Codines (Barcelona, ES)
Nov 9 2009: Centre Civic La Fonteta

Reggio Emilia (IT)
Nov 11 2009: La Salumeria del Rock

Vicenza (IT)
Nov 12 2009: Bar Satea

Saarbrucken (DE)
Nov 13 2009: Das Modul

Thun (CH)
Nov 14 2009: Cafe Bar Mokka

Luceme (CH)
Nov 15 2009: Treibhaus

Budweis (CZ)
Nov 17 2009: Velbloud club & cafe

Pizen (CZ)
Nov 18 2009: Divadlo Pod Lampou

Erfurt (DE)
Nov 19 2009: Stadtgarten

Dresden (DE)
Nov 20 2009: Ostpol

Offenbach (DE)
Nov 21 2009: Hafen 2

Hamburg (DE)
Nov 23 2009: Astra Stube

Copenhagen (DK)
Nov 25 2009: Jolene Bar

Vaxsjö (SE)
Nov 27 2009: Kafé de Luxe

Copenhagen (DK)
Nov 28 2009: Lades Kælder

Sjaldgæfir fuglar
6. nóvember 2009

Í dag gefur Kisi út hljómplötuna Sjaldgæfir fuglar, en Record Records sér um framleiðslu og dreifingu.

Tónlistarmaðurinn Gunnar Bjarni Ragnarsson og skáldið Einar Már Guðmundsson fóru á flug. Útkoman er Sjaldgæfir fuglar. Gunnar Bjarni er best þekktur sem lagasmiður Jet Black Joe. Einar Már er höfundur ótal bóka. Hér er á ferðinni einstakt samstarf, kraftmikil tónlist, magnaður skáldskapur, tærar laglínur, orðlist, mögnuð blanda.

Útgáfutónleikar Láru
2. nóvember 2009

Record Records kynnir í samstarfi við Rás 2:
Útgáfutónleikar Láru á Batteríinu 4. nóvember.
Húsið opnar kl. 21 og kostar 1000 kr. inn.
Surprise verður fáanleg á sérstöku tónleikatilboði.

Lára fær þrjár og hálfa stjörnu í Morgunblaðinu
27. október 2009

Í dag birtist dómur um nýja breiðskífu Láru í Morgunblaðinu. Þar gaf Jón Agnar plötunni þrjár og hálfa stjörnu af fimm mögulegum ásamt því að lofsyngja hljómsveitina hennar Láru fyrir afbragðs hljóðfæraleik.

Sykur fær fjórar stjörnur í Morgunblaðinu
26. október 2009

Í dag birtist dómur um nýja breiðskífu Sykurs í Morgunblaðinu. Þar gaf Jón Agnar plötunni fjórar stjörnur af fimm mögulegum. Hann segir Frábært eða frábært einstaklega skemmtilegan disk fullan af flottri stuðmúsík.

Uppfærsla á netversluninni
24. október 2009

Við vorum að uppfæra netverslunina okkar á þessari síðu, nýjir titlar og lægri verð.

Karkari kemur út í Þýskalandi og Mammút á tónleikaferðalag
22. október 2009

Hljómsveitin Mammút er nú í óða önn að undirbúa sig fyrir tónleikaferð um Evrópu.
Ferðin mun ná yfir allan nóvembermánuð og spilar sveitin á u.þ.b. 20 tónleikum í 7 löndum vítt og breitt um heimsálfuna.
Flestir tónleikarnir verða þó í Þýskalandi en þar mun einnig platan Karkari, sem kom út á Íslandi í ágúst 2008, verða gefin út. Það er Record Records sem gefur diskinn út en Rough Trade mun sjá um dreifinguna.

Mammút gera sér grein fyrir að fyrsti túr sem þessi þýði ekki endilega heimsfrægð en þetta er þó fyrsta skrefið í átt að einhverju æðislegu.

Þess má einnig til gamans geta að nú er fimmta smáskífan af Karkara á leið í spilun á íslenskum útvarpsstöðvum, það lag heitir 'Ég veit hann kemur fljótt' og mun það fylgja eftir 4 lögum sem hafa slegið rækilega í gegn, má þá taka fram að þau hafa öll náð 1. sæti á X-Dominos listanum.

Hlustaðu á brot úr útgáfum Record Records
21. október 2009

Sigurvegarar Músíktilrauna 2009 gefa út sína fyrstu plötu
20. október 2009

Norðlendingarnir í Bróðir Svartúlfs sigruðu Músíktilraunir 2009 og síðan þá hafa þeir varla hægt á sér til að draga andann. Ávöxtur erfiðisins lítur nú dagsins ljós í formi 6 laga plötu en þrjú þeirra hafa nú þegar fengið töluverða útvarpsspilun. Yfir þessu geta unnendur gullfallegra melódía, groddalegs rokks og vel skrifaðra íslenskra texta glaðst. Einhver sagði þá minna á 50/50 blöndu af Sigur Rós og Rage Against the Machine og tóku margir undir það. Sjálfir gera þeir þó bara það sem hjartað segir þeim að gera; spila tónlist og skemmta sér.

Frumburðurinn er skýrður í höfuðið á hljómsveitinni og kemur í verslanir í dag.
Bróðir Svartúlfs gefur út en Record Records dreifir.

Nýtt lag frá Bloodgroup
19. október 2009

Í dag kemur út nýtt lag með hljómsveitinni Bloodgroup, 'My arms', um er að ræða fyrsta lagið af væntanlegri breiðskífu sveitarinnar sem kemur ú tí lok nóvember.
Nýja platan hefur hlotið nafnið 'Dry land' og fylgir hún eftir plötunni 'Sticky Situation' sem kom út árið 2007.
Hægt er að kaupa lagið á Gogoyoko og Tónlist.is en einnig er hægt að streima því á myspace.

Frábært eða frábært, kemur í verslanir í dag
14. september 2009

Frumburður strákanna í Sykur kemur út í dag. Um er að ræða frábæra dansplötu sem fær mann til að dilla rassi.
Á plötunni fá strákarnir til liðs við sig gestasöngvara, má þá nefna, Katrínu Mogensen, Erp Eyvindarson og Rakel Mjöll.

Þriðja breiðskífa Láru kemur út í dag
12. september 2009

Í dag kemur út þriðja breiðskífa Láru, platan heitir 'Surprise' og er fáanleg í öllum helstu plötuverslunum landsins.
Lára spilar á Iceland Airwaves hátíðinni á fimmtudaginn í Iðnó kl. 19:30. Útgáfutónleikar plötunnar verða haldnir í nóvember, nánar um það síðar.

Nýtt lag frá Láru og Sykri
7. september 2009

Október og desember eru skemmtilegustu mánuðirnir í útgáfubransanum. Október gengur útá að troða íslenskri tónlist uppá erlenda túrista sem koma hingað til lands á Iceland Airwaves hátíðina og desember gengur útá að troða íslensku tónlistinni í jólapakkann.
Þetta er allt komið á fullt núna, á mánudaginn kemur út þriðja breiðskífan hennar Láru og annað lagið af þeirri plötu er farið af stað í útvarpið og er komið inná facebook og myspace. Sama sagan með Sykur, við mælum með að þið kíkið á facebook síðuna okkar og myspace til að hlusta á þessi frábæru lög.

Hoffman gefur út sína fyrstu breiðskífu
7. september 2009

Eyjapeyjarnir í Hoffman gefa út sína fyrstu breiðskífu föstudaginn 9. október.
Framleiðsla plötunnar fór í gegnum Record Records sem sér einnig um dreifingu plötunnar.
Ansi skemmtileg plata hér á ferð fyrir rokkunnendur!

Bloodgroup, Lára og Sykur gefa út hjá Record Records
29. september 2009

Bloodgroup, Sykur og Lára Rúnarsdóttir hafa öll gert útgáfusamning við Record Records um útgáfu á sinni næstu breiðskífu.

Hljómsveitin Bloodgroup er um þessar mundir á smátónleikatúr þar sem förinni er heitið til Berlínar, Hamborgar, Köben og Oslóar fyrir smá pásu frá stúdíóinu en þau eru búin að vera ansi sveitt þar að leggja lokahönd á væntanlega breiðskífu. Hún á stutt í land og er gert ráð fyrir að hún komi út í nóvember. Fyrsta smáskífa plötunnar verður gefin út á netinu í byrjun október.

Þriðja plata söngkonunnar Láru Rúnarsdóttir er tilbúin og kemur hún út 12. október. Hún hefur nýlokið við vel heppnaða tónleika á Réttum og átti hún mjög vinsælt lag í sumar, lagið Surprise, titillag væntanlegrar breiðskífu sem er mjög frábrugðin fyrra efni Láru.

Síðast en ekki síst er það fyrsta breiðskífa hljómsveitarinnar Sykur, skipuð þeim Halldóri Eldjárn, Kristjáni Eldjárn og Stefáni Finnbogasyni, ungir og mjög efnilegir strákar sem hafa fengið á sig gott orðspor fyrir frábært tónleikahald. Plata þeirra verður ansi hressandi rafpopp. Á plötunni syngur Katrína Mogensen söngkona Mammút eitt lag, Rakel Mjöll Leifsdóttir syngur tvö lög og Erpur Eyvindarson rappar eitt lag, helmingur plötunnar verður svo ósunginn, sem er líka allt í lagi fyrir þá sem hafa gaman að því að slamma við raftónlist. Plata Sykur drengjanna hefur hlotið nafnið Frábært eða frábært og kemur hún út 14. október.

Nýr bassaleikari genginn til liðs við Dynamo Fog
15. september 2009
Reykvíska rokktríóið Dynamo Fog var að ráða til sín nýjan bassaleikara. Sá heppni er Sindri Eldon og tekur hann við af Axeli Árnasyni, sem yfirgaf sveitina í sumar. Sindri er alræmdur ógæfumaður. Hann hefur átt bassagítar til margra ára en samt sem áður er bassafærni hans lítil sem engin og það er því sorgleg staðreynd að hann hafi gengið til liðs við sveitina. Hann mun engu að síður bæta hljóm sveitarinnar til muna. Sveitin er í ströngum æfingarbúðum og mun  heiðra Iceland Airwaves hátíðina með nærveru sinni. Í framhaldi af því mun sveitin svo leggjast í að hefja upptökur á breiðskífu sinni aftur frá grunni.

Nýtt lag frá Láru
15. júlí 2009
Söngkonan Lára Rúnarsdóttir hefur sent frá sér nýtt lag sem heitir Surprise. Lára er ung söngkona sem hefur alið af sér tvær sólóplötur. Sú fyrri heitir Standing Still og kom út árið 2003 hjá Geimsteini, en sú seinni heitir Þögn og kom út árið 2006 hjá Dennis.
Nýja efnið frá Láru er heldur frábrugðið þessum tveimur eldri plötum hennar. Landslið tónlistarmanna er nú í hljómsveit hennar sem munu vera með henni í upptökuferli væntanlegrar plötu sem kemur út í haust á vegum Record Records.

Hljómsveit Láru skipa:
Lára Rúnarsdóttir, söngur, gítar, píanó o.fl.
Arnar Ingi Gíslason, trommur
Jakob Smári Magnússon, bassi
Pétur Hallgrímsson, gítar

Fyrsta breiðskífa Árstíða er komin út
15. júní 2009
Í dag kom út fyrsta breiðskífa Árstíða, drengirnir gefa plötuna sjálfir út en Record Records sér um dreifingu plötunnar.
Platan er komin í allar betri plötuverslanir.

Mammút remix
16. maí 2009
Nýtt lag er komið út frá hljómsveitinni Mammút, það er remix af laginu Geimrþá sem var vinsælt á útvarpsstöðvum fyrir ekki svo löngu síðan.
Það voru drengir sem kalla sig Red Lights sem remixuðu lagið en þeir eru enn óþekktir en ætla sér að skapa sér nafn með þessu frábæra remixi.
Red Lights er skipuð af þeim Inga Má Úlfarssyni og Jóhanni Bjarkarsyni. Þeir hafa verið að gera hiphop tónlist í mörg ár en vinna nú saman við ýmis spennandi verkefni, má þar helst nefna væntanlega breiðskífu Erpar Eyvindarsonar og Emmsjé Gauta.

Í ágúst 2008 gaf Record Records út aðra breiðskífu Mammút, 'Karkari', og hefur hún set hátt í 2000 eintök á Íslandi.
Nú er nýtt upplag af plötunni komið út með þessari frábæru remix útgáfu af Geimþrá sem aukalag.

Lagið verður fáanlegt frítt á Tónlist.is vikunar 18. - 24. maí.

Record Records gefur út Foreign Monkeys í dag
29. apríl 2009
Í dag gefur Record Records út fyrstu breiðskífu hljómsveitarinnar Foreign Monkeys. Platan heitir π (PI) og er búin að vera í vinnslu í tæp 2 ár.
Nánari upplýsingar í frétt að neðan.

Frítt lag frá Foreign Monkeys
12. apríl 2009
Gleðilega páska,
Smelltu HÉR til að ná í lagið Molla af væntanlegri breiðskífu Foreign Monkeys.

Forpantaðu Foreign Monkeys
05. apríl 2009

Nú getur þú forpantað væntanlega breiðskífu Foreign Monkeys í vefverslun Record Records og þá færðu plötuna senda heim um leið og hún lendir.

Foreign Monkeys sendir frá sér sína fyrstu breiðskífu
02. apríl 2009
24. apríl nk. gefur Record Records út fyrstu breiðskífu Foreign Monkeys frá Vestmannaeyjum, platan hefur hlotið nafnið π (PI).
Hljómsveitin hefur unnið að þessari plötu í tæp 2 ár og var það Magnús Øder sem sá um upptökur á plötunni en hann er best þekktur fyrir vinnu sína með Lay Low og Benny Crespo’s Gang.
Fyrsta smáskífa plötunnar, Love Song, hefur þegar fengið að hljóma á íslenskum útvarpsstöðum og náði m.a. á topp 20 á X-dominos listanum.
Nú er önnur smáskífa plötunnar farin að hljóma en það er lagið Molla.

Hér er á ferðinni eins þétt og kröftug rokk plata og þær gerast!

Foreign Monkeys var stofnuð í desember 2005. Árið 2006 tóku drengirnir svo þátt í Músík tilraunum og sigruðu þær að sjálfsögðu. Síðan þá hafa þeir spilað á fjöldan allan af tónleikum, þ.á.m. hitað upp í Laugardalshöllinni fyrir Badly Drawn Boy, Elbow, Echo And The Bunnymen o.fl.

Foreign Monkeys skipa:
Bogi – bassi og söngur
Gísli – gítar og söngur
Leifur – gítar
Víðir – trommur

Deathwish sending
23. mars 2009
Það fyllist jafnt og þétt á Deathwish listann hjá okkur eftir við byrjuðum að dreifa þeirra útgáfum á Íslandi.
Meðal þess sem kom í dag er:

Cold World, Victims, Blacklisted, Doomriders, The Hope Conspiracy o.fl.
Hægt er að skoða allar plötur sem við erum með í dreifingu frá Deathwish undir 'dreifing'.

Nýtt í dreifingu
10. mars 2009
2 nýjir titlar frá Molestin Records bættust í listann hjá okkur í dag.
Plastic Gods - Quadriplegiac
Ask The Slave - Kiss Your Chora

Fyrsta sendingin komin í hús
10. mars 2009
Fyrsta sendingin frá Deathwish Inc. og Equal Vision Records er komin í hús, þó svo hún sé lítil er hún byrjunin á einhverju stóru.

CD:
Trap Them - Seizures In Barren Praise
Converge - Jane Doe
Converge - Petitioning The Empty Sky
Converge - When Forever Comes Crashing
Converge - Unloved and Weeded Out
Modern Life Is War - Witness
Modern Life Is War - Midnight In America
Comeback Kid - Turn It Around
Engine Down - Demure
Architects - Hollow Crown
Architects - Ruin

Vínill:
Trap Them - Seizures In Barren Praise

Record Records dreifir Deathwish Inc. og Equal Vision Records á Íslandi!
11. febrúar 2009
Record Records hefur hafið innflutning á plötum frá harðkjarna útgáfunum Deathwish Inc. og Equal Vision Records.
Í nokkurn tíma hefur verið erfitt fyrir harðkjarna unnendur á Íslandi að nálgast plötur á þessum virtustu harðkjarna útgefendum í heiminum í dag en nú kemur það til með að lagast.

Karkari er kominn út!
27. ágúst 2008
Fyrsta útgáfa Record Records er komin út, það er platan 'Karkari' sem er önnur breiðskífa Mammút.
Karkari fæst í öllum betri plötuverslunum landsins.

Fyrsta útgáfa Record Records kemur út 27. ágúst
1. ágúst 2008
Önnur breiðskífa Mammút kemur út 27. ágúst hjá Record Records. Platan hefur hlotið nafnið 'Karkari' og er alveg hreint frábær!

Fyrsta smáskífa af væntanlegri breiðskífu Mammút komin út
9. mars 2008
Fyrsta smáskífan af væntanlegri breiðskífu Mammút kom út í dag. Lagið er farið að hljóma á útvarpsstöðvum og er nú fáanlegt á iTunes, Tónlist.is og Grapewire.

Mammút skrifar undir hjá Record Records!
2. febrúar 2008
Hljómsveitin Mammút hefur skrifað undir útgáfusamning við Record Records. Sveitin er á leiðinni í stúdíó og ný plata er væntanleg í lok sumars.

recordrecords.is